DUTOIT: A Family from Moudon, Switzerland

Jaques Crausaz, notary at Moudon, 29 mar 1679.

Lettre de Rente pour Noble & Vertueux Antoine Zachender bourgeois et Seigneur du grand conseil de la Ville de Berne, Contre honnorable Anthoine Duthoict, Sieur Lieutenant de Chavanes.

Notoire & Evident soit a tous, que le vingteneufviesme jour du Mois de Septembre, Mille six Cents & septante neuf, par devant le Notaire soubsigné et les tesmoings cy appres nommés, S'est personnellement constitué & estably, honnorable Anthoine Duthoict Sieur Lieutenant de Chavanes agissant au nom de ses enfans, Authorisé des Sieurs Jean Chevalley de Champtaurouz leur beaufrere, Baltazard Crausaz et Jaques Duthoict Justiciers dudit Chavanes aussi leurs parents, Lesquels sçachants et bien advisés pour eux leur posterité universelles, A confessé de bien & justement debvoir, A Noble & Vertueux Anthoine Zachender bourgeois et Seigneur du grand conseil de la Ville de Berne present, Assavoir la somme de six cents florings pptz. Provenue pour & a cause du prix non payé de la vendition ce jourd'huy par ledit Noble Seigneur Crediteur audit Debviteur passée des pieces suivantes qui sont, En premier, Une pose de terre en Genevray, se limittant jouxte la terre des hoirs de Jean Veyre et la bois de l'Hospital d'occident, la terre des hoirs de Jaques Crausaz d'orient, celle de Monsieur Nicaty de bize, et celle de Daniel fils de feu Pierre Duthoict de vent; Item, environ Une pose dit en Rionbouz, jouxte la terre dudit Sieur Lieutenant debiteur d'orient, celle desdits hoirs de Jean Veyre d'occident, celle du Sieur Baltazard Crausaz de vent, et celle du Sieur Pierre Duthoict a bize; Item, la part & particule du Diesme dudit Chavanes que feust cy devant des biens d'honnorable Jaques Veyre, laquelle ledit Noble Seigneur Credieur avoit acquise en la Discution des biens dudit Jaques Veyre comme aussi les sus limittées pieces, et ce a theneur de la collocation a luy faite; Item, des pieces que furent cy devant des biens d'honnorable Daniel fils de feu Pierre Duthoict dudit Chavanes et audit Noble Seigneur Crediteur provenues par subhastations judiciallement corroborées et dont la terme de retraction est es...é, C......(?); Nonobstant la confession de Recipisse, contenue dans l'acte dedit Vendition, ledit Sieur Debiteur confesse la debvoir, de laquelle ladite somme de six cents florins ladit Sieur etc. Il a promis payer et satisfaire la cense annuelle a raison de cinq pourcent sur chasque jour de St. Martin, la premiere escheante des la St. Martin prochaine en un an surdite année 1680, Et ainsi suivament d'an en an jusques a entiere satisfaction dudit Cappital, que debvra faire selon le devis des loix et nouvelles reformations souveraines. Pour asseurance de laquelle somme de six cents florins, le predit Sieur Crediteur a hypothequé les prelimittées pieces par luy ainsi & comme dessus acquises. Item, pour renfort, un morcel de Clos lieudit en Saccord contenant une seytorée, acquis d'honnorable Daniel Duthoict son Oncle dudit Chavanes, se limittant jouxte le Clos dudit Sieur Debiteur d'orient, celuy de Baltazard Crausaz & Abraham Duthoict le jeusne d'occident, celuy de Daniel fils de feu Pierre Duthoict de vent. Les suslimittées pieces sus hypothequées leurs fonds fruicts droicts & appartenances quelconques sizes et existantes riere ledit Chavanes dessus predites, laquelle piece de renfort ledit Sieur Lieutenant a soutenu judiciallement & sermentalement un autre hypothequé à autruy, Duquel & comme aussi des susdites hypotheques le predit Sieur Debiteur ne pourra faire allienation ny dispersoin que preallablement ladite somme & interestes provenants ne soyent entierement satisfait; A peine de tous dampz & despends, le tout conformement aux conditions reserves et adstrictions portées par les Ordonnances Mandats & Nouvelles Reformations Souveraines, Jouxte lesquelles la presente est faite & passée a Moudon le predit jour 29e septembre 1679, Soubz la corroboration & authorisation de l'honnorable Justice dudit Chavanes, avec toutes autres clausules Sceaug & Renonciations requises & necessaires, Et signature du notaire soubsigné, Presents honnorables & prudents Jean Rodolph De Miestville Chattelain de Villarzel & Granges et Jacob Frossard conseiller dudit Moudon tesmoings.

Le onzieme juin 1680, par devant Noble & Vertueux David de Treytorrens, Vidonne de Moudon & Seigneur Chatelain de Chavanes tenant (?) cour a l'ordinaire audit Moudon en la Maison Seigneuriale des Nobles hoirs des feu les Noble & puissant Seigneur dudit Chavanes, avec les Sieurs Jurés d'icelle, personellement est comparu le prenommé Anthoine Duthoict Lieutenant dudit Lieu, lequel ayant requis & prié l'honnorable Justice vouloir corroborer & authoriser la sus narrée Lettre de Rente; puisqu'icelle créé au nom de ses Enfans, Et provenue pour Acquis fait a leur advantage, lesdidts Sieurs Jurés ayant donc consideré & examiné le contenu dedit Lettre de Rente et ayant icelle trouvée faite a l'advantage desdits Enfans et veu l'autorisation de leursdits parents, comme aussy les hypotheques d'icelle estre bastantes selon la Nouvelle Reformation Souveraine, ont aussy par leur jugement & cognoissance, authorisé et corroboré la predite Lettre de Rente a theneur de ladite Derniere Reformation. Fait & passé judiciallement, soubz le sceaug du prenommé Noble Seigneur Chattelain & signature du Curial dudit Chavanes le predit [jour et an].

Lettre de rente en faveur de Noble et Vertueuz Sebastian De Praroman, contre honnarables Anthoyne DuThey, Balthazard Burnand et Claude Crausaz de Chavasnes sus Mouldon.

Par le teneur des presentes soit a tous et unchacun chose notoire et manifeste Que par devant moy notaire juré soubzsigné et presentz les tesmoings soubz nommés, se sont en propre personne constituez et establis honnorables Anthoyne fils de feuz honnorable Daniel Duthey, Balthazard fils de feuz honnorable Daniel Burnand, tous deux de Chavasnes sus Mouldon et bourgeois dudit Mouldon, et honnorable Claude fils de feuz honnorable Jacob Crausaz aussi dudit Chavasnes, sçavoir ledit Duthey pour le moitié, et lesdits Burnand et Crausaz pour chacun la quarte part, insolidement neantmoings l'un pour l'autre et l'un d'eux seul pas pour le tout, lesquels sçachants etc. sans aucune contraincte etc., ains de leur bon gré etc. pour eux et les leurs etc., ont confessé et recongnue, comme par cestes ils le confessent et recongnoissent de debvoir et justement estre tenus payer a Noble et Vertueux Sebastian De Praroman citoyen et Sr. Conseiller de Lausanne, Seigneur de Corselles-le-Jorat, fils de feuz Noble et Prudent Jaques De Praroman vivant aussi citoyen et Sr. Conseiller dudit Lausanne, present etc., Assavoir la somme de soixantecinq florins petit poids etc. bonne monnaye au pays coursable de cense et annuelle rente a raison du cinq pour cent a forme des Ordonnances Souveraynes, et c'est a cause du prix et somme capitalle de treize cents florins valleur et monnaye predite, laquelle somme capitalle est provenue pour et a cause de cancelation d'un autre obligé de mesme somme desia créé a cense en faveur d'honnorable et prudent Abraham Bize, banderet dudit Mouldon, contre honnorables Jaques et Daniel Duthey, Jacob Crausaz, et Daniel Burnand, peres des susnomméz confessantz debiteurs, signé Jossevel en datte du premier jour de Decembre mille six cents et dix, et par le susnommé Bize remis et cedé avec toutes ses termes , valeurs et clausules aux nobles heritiers de feuz Noble et Vertueux Phillibert De Praroman, qui fust pere du susnommé Noble et Prudent Jaques De Praroman, l'un desdits heritiers, comme escripte audite cession et remise faite au pied dudit obligé, signé Jaquery, du vingt-troisiesme febvrier mille six cents et onze, auxquelles dattes par cestes n'est aucunement derogué. Lequel obligé a esté advenu en partage audit Noble et Vertueux Sebastian De Praroman coheritier dudit feuz Noble et Prudent Jaques De Praroman, auquel il demeure entre mains pour fayre paroir desdite dattes (?). Laquelle somme de soixantecinq florins valeur et monnaye susdite de cense et annuelle rente, lesdits confessant debiteurs ont promis comme ils promessent par cestes par leur bonne foy payer, satisfayre et rendre audit noble crediteur ou es siens que dessus, tous les ans sus unchacun jour et terme de St. Martin en hyvert, en la ville dudit Lausanne en sa maison d'habitation, a leurs propres coustes et missions a commencer le payement le premier de cense a la prochayne St. Martin en hyvert et ainsi consecutivement d'an en an, jusques a entiere satisfaction dudit principal, Le tout sans plaid, proces, reservance, guerence ny assignation quelconque, a condition toutesfois et par expresse reserve entre lesdites parties faite et arresté que estants passés et rendues dix années prochaines, apres le jour de St. Martin en hyvert dernier passé, que icelluy noble crediteur ou les siens pourra compellir et contrattendre lesdits debiteurs au payement et restitution desdits treize cents florins de capital, et retenues (?) de predit cense, si moins y en hast, avec missions legittimes, parmi ce et a entendre que lesdits debiteurs et les leurs pourront et leur sera licite fayre rehemption du predit cense pour le predit capital de treize cents florins, pendant ledite terme de dix ans, quand leur commodité le pourra parter, jouxte et au contenu des dernieres loix et reformations souveraynes. Pour asseurance de quelle somme capitalle et censes lesdits debiteurs ont speciallement hypothecqué audit noble crediteur et aux siens predits, assavoir les pieces et possessions suyvantes à eux apartenantes situées au territoire dudit Chavasnes, Et premierement ledit Duthey un sien morcel de clos contenant environ trois seythores lieudit le clos de la possession, jouxte le commune dudit Chavasnes d'orient la terre de Daniel fils d'André Dutyey d'occident, le chemin publicq de bize, et le clos dudit Burnand debiteur devers vent. Item, un autre morcel de clos de la contenance d'environ deux seythores lieudit au bon bryt, jouxte le clos de Jean file de Jaques Duthey d'orient, le clos dudit Daniel fils d'André Duthey d'occident, un riaux devers bize, et le clos dudit Claude Crausaz devers vent. Et ledit Burnand un morcel de clos contenant une seythore lieudit au meyten du praz jouxte le clos d'honnorable Anthoyne Duthey Sr. Banderet dudit Mouldon d'orient, le clos de Jaques fils de Gaspard Duthey d'occident, le clos de Jaques fils d'Abraham Duthey, celuy de Gabriel Vayre de bize, et le clos dudit Jaques fils d'Abraham Duthey, et celuy dudit Anthoyne Duthey debiteur devers vent. Item, un autre morcel de clos contenant une seythore lieudit au praz pourri, jouxte le clos dudit Anthoyne Duthey debiteur et celuy dudit Jaques fils de Gaspard Duthey d'orient, le clos de Jaques Duthey dict Maillard d'occident, le clos dudit Claude Crausaz debiteur de bize, et la terre dudit Anthoyne Duthey debiteur devers vent. Et ledit Crausaz un morcel de clos contenant environ une seythore lieudit au bon bryt, jouxte le clos dudit Jaques fils d'Abraham Duthey d'orient, le clos dudit Burnand debiteur et celuy de David fils de Roux Duthey d'occident, le clos dudit Anthoyne Duthey debiteur de bize, et le clos dudit Sr. Banderet Duthey devers vent. Item, un autre morcel de clos contenant environ une seythore lieudit au meyten de bryt, jouxte le clos de Michel Vayre d'orient, le clos dudit Jaques fils d'Abraham Duthey d'occident, le clos de feux honnorable Françoise Duthey mere dudit Burnand de bize, et le clos dudit Jaques fils de Gaspard Duthey devers vent. Avec leurs fondz etc. et generallement tous et unchacuns leurs autres biens etc. presentes et advenir quelconques, le tout jouxte et a forme de conditions, reserves et astrictions contenues et mentionnés es loix et ordonnances souveraynes auxquelles lesdits parties rapportent et refferent, lesquelles pieces de clos sus hypothecqués et obligés lesdits debiteurs ont asseré par leur bonne foy n'estre hypothecqués à autre personne que ce soit. Et advenant icelles ne se trouvassent bastantes et suffisantes pour ladite somme capitalle et censes, Iceux en mesme qualité que dessus promettent d'en bailler jusques a contentement, a deffault de quoy iceux pourront estre contraincts au payement dudit principal. Promettant a cest effet lesdits debiteurs pour eux et les leurs predits, par leur bonne foy et soubz l'expresse obligation desdits biens susmentionnés, les susdites pieces ainsi comme dessus par eux hypothecquées et obligées auxdits crediteurs et aux siens comme dessus en bonne paix etc. maintenance etc. Et toutes les choses susescriptes, conditionnés et reservés havoir a perpetuité pour aggreables etc., sans jamais y contrevenir etc. A peyne de supporter tous damps etc. pour tel deffault survenant. Renonciations etc. Datté, fait et passé audit Mouldon soubz le seel a ce requis avec la signature manuelle de moy notayre juré soubzsigné le sixiesme jour de Septembre l'an mille six cents trentetrois, presents honnorables Jean(?) Samuel(?) Frossard, Jaques Bathazard et Pierre Jaquery tous bourgeois dudit Mouldon tesmoings a ce requis.

Lettre de rente en faveur du devant nommé noble et vertueux Sebastian De Praroman, contre le devant nommé honnorable Anthoyne Duthey.

Par la teneur des presentes soit à tous et unchacun chose notoire et manifeste, comme il soit que honnorables Alexandre et François Cous (?) freres de Vuarmarens comme principaux debiteurs, et honnorable Daniel fils de Pierre Duthey de Chavasnes sus Mouldon et bourgeois dudit Mouldon fiance neantmoings tous prins l'un pour l'autre et un seul pour le tout, eussent confessé devoir et justement estre tenuz payer aux Nobles et vertueux Srs. Jaques et Henry De Praroman tant a leurs noms que de leurs autres freres les Seigneurs de Cheyres lors presents, assavoir la somme de sept cents et vingt florins petit poids bonne monnaye au pays coursable laquelle somme lesdits principal et fiances debiteurs auroyent promis de leur bonne foy et soubz l'obligation de tous leurs biens etc., lors presents et futurs quelconques payer et satisfayre a leurs despends audit Lausanne en la maison d'habitation desdits Srs. de Cheyres avec la legittime Bcense de cinq pour cent au terme poarté par l'obligé pour ce fait receu et signé Anthoyne Richard en datte du vingtiesme Aoust mille six cents et neuf, laquelle datte par ceste n'est aucunement derogué, lequelle obligé a esté advenu en partage a noble et vertueux Sebastian De Praroman citoyen et Sr. Conseiller de Lausanne Seigneur de Corselles-le-Jorat, fils dudit Noble et Vertueux Jaques De Praroman. Or est a present que s'est par devant moy notaire juré soubzsigné et presents les tesmoings soubznommés, personnellement constitué et establi honnorable Anthoyne Duthey fils et heritier du susnommé honnorable Daniel Duthey, lequel sçachant etc. pour luy et les siens etc. a librement confessé et recongnu, comme par cestes il le confesse et recongnoist, nonobstant la confession par ledit Noble et vertueux Sebastian De Praroman faite en la lettre d'hamende qu'il hast concedé audit Anthoyne Duthey d'havoir receuz le contenuz de la somme endit obligation mentionnées, receuz et signé ladite lettre d'hamende par moy soubzsigné de la datte d'Icestes, de debvoir et justement estre tenu payer, audit Noble et Vertueux Sebastian De Praroman present etc., Assavoir la somme de trentesix florins petit poids bonne monnaye au pays coursable de cense et annuelle rente, à raison du cinq pour cent a forme des ordonnances souveraynes, Et c'est à cause du prix et somme capitalle de sept cents et vingt florins monnaye predite, Laquelle somme capitalle est provenue pour et a cause de cancelation et remise manuelle par ledit noble crediteur audit debiteur presentement faite dans la susnarrée obligation, laquelle somme de trentesix florins valeur et monnaye predite de cense et annuelle rente ledit confessé debiteur hast promis, comme il promet par cestes par sa bonne foy payer et rendre audit noble crediteur ou es siens comme dessus tous les ans sus sus unchacun jour de terme de St. Martin en hyvert en la ville dudit Lausanne en sa maison d'habitation, à ses propres coustes et missions, comme aussi ledit capittal quand icelluy en fera la restitution, a commencer le payement de la premiere cense à prochayne St. Martin d'hyvert et aini consecutifvement d'an en an jusques à entiere satisfaction dudit capital, le tout sans plaid, proces, recreance, guerence, ny assignation quelconque, a condition toutesfois et par expresse reserve entre les parties faite et arrestée, comme estants passées et revolues dix années prochaynes, apres le jour de St. Martin d'hyvert dernier passé, icelluy noble crediteur ou les siens pourra contraindre et compellir ledit debiteur au payement et restitution desdits sept cents et vingt florins de principal et retenues? de predit cense si aucunes y en hast avec missions legittimes, parmi et a entendre comme ledit debiteur et les siens pourront et leur sera licite [à] fayre rehemption de predit cense pour le predit capital de sept cents et vingt florins pendant ledit terme de dix ans quand leur commodité le pourra porter, jouxte et au contenue des derniers loix et reformation souverayne. Pour asseurance de quelle somme capitalle et cense, ledit debiteur hast speciallement hypothecqué audit noble crediteur et aux siens susdits, assavoir les pieces et possessions suyvants à luy apartenant situés au territoire dudit Chavasnes, Et premierement une piece de terre contenant environ trois poses lieudit au montaney, jouxte la terre des hoirs de feuz Francoise Duthey d'orient, la terre de Jaques Duthey dict Maillard d'occident, et la terre de Jaques fils de Gaspard Duthey devers bize et vent. Item, un morcel de cloz contenant environ une seythore et demi, lieudit au meyten du bryt, jouxte le clos de Claude Crausaz d'orient, le clos d'honnorable Anthoyne Duthey Sr. Banderet de Mouldon d'occident et vent, et le clos de Jaques fils d'Abraham Duthey de bize, avec leurs fondz etc. et generallement tous et unchacungs ses autres biens etc. presentes et advenir quelconques, le tout jouxte et à forme des conditions, reserves, et astrictions contenues et mentionnées esdits loix et reformation souverayne auxquelles lesdites parties se rapportent et reffierent, lesquelles pieces de terre et clos sus hypothecquées et obligées ledit debiteur hast asseré par sa bonne foy n'estre hypothecquées à autre personne que ce soit, Et advenant elles ne se trouvassent bastantes et suffisantes pour ladite somme capitalle et censes, Icelluy hast promis d'en bailler jusques à contentement, a deffault dequoy pourra estre contrainct a payement dudit capital, promettant à cest effect ledit debiteur pour luy et les siens presdits par sa bonne foy et soubz l'expresse obligation desdits biens sus mentionnés les susdites pieces ainsi comme dessus par luy hypothecquées et obligées audit noble crediteur et aux siens susdits en bonne paix etc.maintenance purement etc. toutes les choses susescriptes conditionnées et reservées havoir à perpetuité pour aggreables etc. Et sans jamais y contervenir etc. a peyne de supporter tous damps etc. pour tels deffault survenantz. Renonceants etc. Datté, fait et passé audit Mouldon soubz le seel à ce requis avec le signature manuelle de moy dit notaire juré soubznommé le sixiesme jour de Septembre l'an mille six cents et trentetrois, presents honnnorables Balthazard Burnand et Claude Crausaz tous deux dudit Chavasnes tesmoingts.

Traicté de mariage entre honnorable Anthoyne Duthey d'une, et Judith Cavin d'autre.

A tous etc. comme en traictant mariage entre honnorable Anthoyne Duthey fils d'honnorable Jean Duthey bourgeois de Mouldon d'une part, et honnorée Judith fille de feuz honnorable Daniel Cavin vivant de Vucherens traictant de l'authorité, vouloir et consentement d'Egrege Pierre Cavin, honnorables Jean Cavin, David Hugonier et Jaques Porchet ses parents et alliez d'autre part. Entre lesquelles parties sont esté faites ces presentes matrimonialles suyvantes. Et premierement ledit Anthoyne Duthey espoux hast promis de prendre et espouser ladite Judith Cavin pour sa femme et espouse en l'assemblée des fidelles ainsi que Dieu l'a ordonné, a laquelle n'a fait ny fera chose pour laquelle le present mariage ne puisse sortir son entier effet. D'autre part ladite Judith Cavin a aussi promis de prendre et espouser le prenommé Anthoyne Duthey pour son espoux et mary legittime, en l'Eglise des fidelles ainsi que nostre Seigneur l'a ordonné, Et qu'elle n'a fait ny à l'advenir fera chose pour laquelle le present mariage ne se parfasse. En contemplation duquel mariage et afin qu'icelluy puisse parvenir a entier perfection ladite Judith Cavin espouse de l'authorité comme dessus s'est constituée en mariage audit Anthoyne Duthey avec tous universels et singuliers ses biens meubles et immeubles, droicts, tiltres et actions presents et advenir quelconque, debvoir d'iceux jouyr et garder, Jouxte la louable coustume de Mouldon, selon laquelle le present contract de mariage a esté et est fait et passé. D'autre part le prenommé Anthoyne Duthey espoux hast promis et donné pour augment dedite constitution a ladite Judith Cavin son espouse, Jouxte et a forme dedit coustume de Moudon: Item luy donne de don gratuit une robbe et camissole de bon drap selon son estat. Item, a promis ledit Anthoyne Duthey espoux d'icelle son espouse enjoyeller de bon et suffisants joyaux et vestements selon sa capacité pour le jour de leurs nopces, comme aussi de fidellement luy assigner sus bons et vallides assignaulx tout ce qu'il recevra d'elle, comme aussi lesdits augments et ledit don gratuit et luy passer fidelle inventaire de tous les droits et meubles qui luy apartiendront, prometants pourtant lesdits a debvoir par luy et les siens advenant restitution dedite constitution estre percevuz (?), exigé et recouvré sus tous ses biens quelconques, selon ladite loy et parties contrctants pour elles et les leurs predits par la sermente et soubz l'obligation de tous et unchacungs leurs biens etc., le present contract et tout son contenu avoir a perpetuité pour aggreable etc. sans aucune contravention soubz pleine restitution de tous damps, renonciations etc., Datté fait et passé audit Lausanne soubz le seel etc. le treiziesme jour du mois de Septembre l'an mille six cents et trentrequatre, presents les susnommés parents et alliez pour tesmoings requis.

Pierre Gavin, notary at Moudon, 27 feb 1661.

Soit à tous chose notoire, evident & manifeste par la teneur des presents que honnorable Pierre fils de feu Anthoni Dutoict pelletier et bourgeois de Mouldon agissant tant à son nom propre et privé que de Dorothée, Eve et Antheine ses soeurs indivis, par l'advis toutefois et consentement des honnorables Jean Cavin et Jacob Dutoict cordonnier dudit Mouldon ses Oncles, lequel sçachant et bien advisé tant de leurs droicts et tiltres amplement informé et certioré pour les leurs hoirs et posterité universelle, A vendu, cedé, quitté, remis, transporté et habandonné purement et perpetuellement par cestes à honnorable Jaques Berthold le jeune sellier et bourgeois dudit Mouldon present et acceptant pour luy et ses hoirs universels, Assavoir un assoi avec la place devant par les boines qui y sont siz dans ladicte ville en la Rue du pont vers la Poteylaz, Jouxte la muraille de la ville de vent, la grange et courtine des hoirs de deu le Sieur Thomas Dutoict d'orient & bize, l'asset de l'hospital et la courtine de Jaques Wagnieres d'occident, avec leurs fonds, droicts, proprietéz, appartenances et despendances quelconques, Et a esté faite la presente perpetuelle vendition pour et moyennant le prix principal de vingtedeux escus principal, et trois quart derrit (?) d'estraine esdictes trois soeurs dudit vendeur et dix florins de vin beu en contractant les presents, le tout par ledit acquisiteur payé et satisfaict, partant en est acquitté et les siens perpetuellement, Soubs les devestitures et investitures dudit assoi et place devant à ce requises et necessaires, Et promesses par ledit vendeur en bonne foy et soubs l'obligation de tous ses biens et de ceux de sesdites soeurs les predits assoi et place aux Empteurs et auxdicts siens perpetuellement maintenir, deffendre, desbriguer, et legitimement guerenter envers et contre tous tant en jugement que dehors, Sauf les censes directes et tous autres droicts seigneuriaux qui se trouveront estre dheubs pour present acquis. Desormais par ledit Empteur et ses successeurs payables et supportables, Aussy d'avoir et tenir tout ce que dessus perpetuellement pour aggreable, stable, ferme et vallide sans contrevention aucune, A peine de supporter tous damps et despends qui en pourroyent arriver, Daté et faict audit Mouldon soubs toutes autres Clausulles et seaux opportunes le vingtseptieme jour du mois de febvrier l'an courant Mille six cent soixante un, En presence d'honnorables Jaques Busigni et Jean Roberti, tous deux bourgeois dudit Mouldon, tesmoings.

Abraham (?) Faucherres, notary at Moudon, 20 sep 1666 - 23 sep 1666.

A tous soit notoire que honnorable Jean François Grivat originel d'Orbe habitant à Lausanne agissant au nom d'Eve Dutoict sa femme, ayant Instre. (?) par voye de Justice que honnorable Pierre Dutoict pellatier bourgeois de Mouldon son beaufrere eust à luy laisser parvenir sa portion de leurs biens paternels et materneles entr-eux indivis. Iceluy luy auroit offrir partage en tant qu'il se fit entre tous les compartissants et que Dorothée, l'une de ses soeurs, fut .....(?) et presenté pour autres missions et diverses recerches, laquelle soytent rencontrée on leur auroit à la requeste dudit Grivat et de sa femme par ordre deJustice commis trois Sieurs Justiciers dudit Mouldon pour leur faire tel partage or ordonnace de leurs pretentions reciproques, Iceux donc ayant prealablement fait une evaluation de tous les biens en fons entre sesdits compartissants indivis, et tiré un specification de tous les debts liquides et admissibles, Ont ....(?) parvenir à chacun c'eux la somme de 460 florins apres estre tous les debts levez et ordonné que toutes les petitions et pretentions reciproques precedents les presents partages en vigeur de la loy souverain touchant les indivis ne pouvoit estre precomp…ée (?). Ainsi devoit estre enlevées et cancellées autant pour les uns que pour les autres. Et quant aux meubles par ledit Dutoict leur frere declairez et specifiez estre indivis, devoit estre partageable entr'eux par quart comme estants quatre partissants. Ce qu'ayant esté representé judicialement ce jourd'huy par lesdits sieurs Commis, ledit frere se seroit declairé vouloir bailler la portion à sasdites soeurs conformé à la loy en obligations et lettres de rente, Il auroit esté à cela admis. Et apres les raisons dudit Grivat entendues, ladite Noble Justice A ordonné pour bien de paix que ladit Dutoict bailleroit pour la part et portion que pourroit parvenir à ladite Eve sa soeur femme dudit Grivat, la somme de cinq cents florins, la moitié en argent sur la premier jour du mois de May prochain et l'autre moitié en obligations ou lettres de cense bonnes et solvables avec l'interest à ceste de temps et lesdits meubles comme dit est seroit partages entr'eux. Et outre ce ledit frere devroit supporter tous leur despends des presents partages. Et tous debts qui se termineront (?) deubz par lesdits hoirs. Et par ce moyen ledit Pierre Dutoict sera acquicté de la part de ladite Eve laquelle quictance aura lieu des à present pour toutes les pretentions petitions et recerches qu'elle pouvoit et pourroit pretendre contre luy procedants (?) lesdites partages. Et quant à ladit Dorothée estant authorisé d'honnorable et prudent Isaac Decrevel et Abraham Bize leurs parents Sieurs Conseillers de Mouldon, ayant entendu la susdite ordonnance judiciale, l'accepte judicialement en ce qui la concerne. Et en suite de ce elles ont suivi au partage desdits meubles. Concernant Anthaine la plus jeune des filles, ledit Dutoict son frere s'estant chargé d'elle et de ses biens d'autant que non encor en capacité de se regir et gouverner à tiré à luy sa portion par inventaire. Faict et passé le 20 septembre 1666.

Le 23 septembre.

Arrest faict entre le susdit Dutoict et Dorothée sa soeur pour ses biens paternels et maternels.

Soit à tous notoire Comme ayant esté commis trois Sieurs Justiciers de la part de la Noble Justice de Mouldon pour faire les partages des biens Indivis entre honnorables Pierre Dutoict pellatier bourgeois dudit lieu; Dorothée, Eve & Anthayne ses soeurs. Ils auroyant au prealable faict une evaluation de tous lesdits biens mmeubles et tiré une specification de tous les debts liquides et admissibles et ayant trenné (?) parvenir à chacun des partageants la somme de 460 florins apres esté levés tous les debts et ordonné que toutes les petitions et pretentions reciproques precedentes les presents partages en vigueur de la loy souveraine touchant les indivis devoit estre enlevées et cancellées autant pour les uns que pour les autres, et les meubles devoit estre partagéz entr'eux par quart. Ce qu'ayant esté representé judicialement le 20 du present mois, ledit Dutoict se seroit declairé vouloir bailler la portion à ses soeurs conformement à la loy souveraine. Si bien que pour bien de paix ladite Noble et honnorable Justice auroit ordonné à honnorable Jean François Grivat, Cordonnier habitant à Lausanne soit à ladite Eve sa femme qui ont solicitéz et procuréz lesdites partages la sommes de Cent escus pp. d'autant qu'ils ne se vouloyent contenter desdits 460 florins premiers. Neantmoins ladites Dorothée comme ayant esté authorisée par honnorables et prudents Isaac Decrevel et Abraham Bize sieurs Conseillers dudit Mouldon parents desdits Compartissants ayant accepté les presents partages et ordonnances jucidials en ce qui la concerne, Estant meue de bonne volonté envers ledit son frere, et pour bonne consideration et entretien de bonne dilection entr'eux, A cedé, remis, quicté et habandonné perpetuellement audit Dutoict son frere sa part et portion et toutes pretentions qu'elle avoit contre luy pour ses biens paternels et maternels, Moyennant la somme de quatre centz florins, un cottillion, un corps et des manches à la discretion de son frere tels qu'ils les ont designéz deux chemises, deux devantiers, et une paire de souilliers. Sa portion des meubles qu'elle a en cor partagé dont elle soyt contentée sans en pretendre d'avantage. Et support de tous les susdits debts dont ledit son frere s'est chargé. De laquelle somme ledit son frere à promis luy payer la cense durant le terme de dix ans sur chasque jour de Sainct Michel des le prochain en un an, La premier eschannte (?) soubs toutesfois condition qu'ayant besoin à l'advenir de quelques linges, habitz, souillers et deniers, Il les luy fourniera en deduction soit desdits interests ou de capital, Et elle s'est declairée estre de bonne volonté envers iceluy de ne disposer nullement de ladite somme principale qu'en faveur dudit son frere, et arrivant quelque inconvenience ou deceds d'icelle sans estre mariée qu'elle lui en faisoit don gratuit pour luy et les siens. Et pour asseuration dudit capital & interests en provenantz iceluy luy a baillé en asseurance deux poses de terre sizes riere ledit Mouldon lieudit en Sainct Michel despendantes de leurs biens paternels. Et par ce moyen elle à passé audit son frere quictance generale & absolue de sa part et portion et de toutes recerches et pretentions qu'elle pouvoit avoir du passé contre luy, soubz promesse de ne jamais aux presentes contrevenir, ny aucunement l'actionner à l'advenir pour aucune chose precedents, Obligeants à l'effect de l'observations des presentes reciproquement tous leurs biens. Daté le 23 septembre 1666. En presence d'honnorables Anthoni Decrista dudit Mouldon et Jean Dutoict de Chesalles, tesmoins.

Jaques Crausaz, notary at Moudon, 04 mar 1687.

Assignal pour Honnorée Susanne Cuagny, Contre le Sieur Anthoyne Dutoict son Mari.

Soit notoire a qui il conviendra, que le vendredy quatrieme de Mars mille six Cents huictante sept, par devant l'honnorable Justice de Chavanes assemblée a l'ordinaire audit lieu, sous le presidence d'Egrege et provide Gabriel Bize, Seigneur Vidonne de Moudon et Chatellain de Chavanes, S'est presenté honnorable Anthoyne Dutoict dit aux Clercq Sieur Justicier dudit lieu, proposant comme se voyant sollicité par honnorée Susanne Cuagny sa femme de luy faire Confessions de diverses sommes qu'il a receues d'Elle ou de gens a son nom, et luy en passer Assignal sur les plus clairs de ses biens, a quoy voulant acquiescer. Ensuitte de quoy ledit Anthoyne comme sçachant & bien advisé; a dit & confesse de bonne foy & serment d'avoir heu et reellement receu de ladite Susanne sa femme soit de gens a son nom, La somme de Neuf cents soixante huict florins tant en argent effectif que par moyen de graines appreciées et comprises a ladite somme. Item, deux vaches, une chevre, huict brebis, une suine avec cinq petits, une couche garnie, deux coffres, avec son trossel fort honnorablement, et affin que ladite somme et lesdites meubles soyent preservés pour l'advenir a ladite sa femme soit a ses Enfans, ledit Sieur Dutoict la luy affecte et assigne speciallement, sur toutes les pieces qui ne se trouveront estre affectées a d'autres Creanciers provenues par l'heritage qu'il a fait par la mort d'honnorable Joseph Dutoict son frere, et generallement sur la prevalliance des hypotheques contenues dans les Lettres de Rente qu'on pourroit avoir contre ledit feu Joseph Dutoict son frere, Sur tous lesquels biens ladite Cuagni soit sesdits Enfans pourroit a leur Choix prelider (?) ladite somme avec lesdites meubles aucune (?) restitution d'icelle, Le tout conformement aux Loix Souveraines, Ainsy passé judiciallment audit Chavanes sous toutes autres clausules & renonciations requises avec le sceaug du prenommé Seigneur Chatellain & Signature du Curial dudit Chavanes soubsigné, ledit jour 4me Mars 1687.

Jaques Crausaz, notary at Moudon.

Subhastations pour Leurs Excellences Souverains Seigneurs de la Ville de Berne, Contre honnorable Anthoine Duthoict dit aux Clercq de Chavanes.

Soit a tous Notoire & Evident par la theneur des presentes, que le quinzieme jour de Mois de Mars 1680, A l'instance d'Egrege & prudent Henry Portaz, au nom et comme Recepveur pour Leurs Excellences Nos Souverains Seigneurs de la Ville & Canton de Berne, Dans leur Chasteau de Chavannes, pour estre payé et satisfaict de deux interests escheus a 8 pre. passé en presente année, Avec trente florins de reste d'un precedent, A Leursdits Excellences dheubz par les honnorables Anthoine & Joseph fils de feu honnorable Daniel Duthoict dit aux Clercq freres de Chavanes, A theneur d'une Lettre de Rente du Cappital de quinze cents florins en datte du 15e Mars 1675, Signée Egrege Gavin, Créé en faveur des Nobles & Vertueux Daniel & Jean François Cerjat freres Seigneurs de Denesi, Et a Leurs Excellences remise par lesdits Nobles Seigneurs de Denesi le 9e febvrier 1676, selon l'acte signé par Monsieur le premier Commissionaire Duboit, Dans laquelle sont nommés pour specialles hypotheques les pieces suivantes sizes & existantes riere ledit Chavanes, Qui sont en premier, Un morcel de Clos Au Bryt contenant trois seytorées, se limittant Jouxte le Clos du Sieur Secretaire Nicaty et d'honnorable Baltazard Crausaz d'orient, le Clos des hoirs de feu le Sieur Thomas Duthoict d'occident, le Marest Commun & le Clos dudit Crausaz de vent, plusieurs contors de Clos de bize; Item, Un autre morcel de Clos dit au Bugnon contenant une Seytorée Jouxte le Clos dudit Crausaz et des hoirs de Jean Veyre d'orient, le Clos des hoirs de feu honnorable Daniel Duthoict dit André d'occident, le Clos d'honnorable Jaques Crauzaz de vent, et celuy dudit Sieur Nicaty de bize; Item, audit lieu Dubryt, Une autre Seytorée de Clos dudit hoirs de feu Daniel Duthoict dit André d'orient & bize, le Clos d'honnorable Abraham Duthoict d'occident, et celuy d'honnorable Jean Pierre Jossevel de vent; Item, Une autre Seytorée de Clos lieudit au Paccotet, jouxte le Clos de Sieur Anthoine Duthoict Lieutenant d'orient, vent & occident, et le chemin publicq de bize; Item, deux bonnes Seytorées de prez en Chavagnaule, jouxte la terre d'honnorable Jaques Veyre d'orient, le prez desdits hoirs de feu le Sieur Thomas Duthoict et de plusieurs autres d'occident, le Clos des hoirs de feu Nicod Veyre de vent, et celuy desdits hoirs de Jean Veyre de bize; Item, Un autre Morcel de prez pour faire deux chars de foin audit lieu de Chavagnaule, jouxte le prex d'honnorable Daniel Duthoict le jeune desdits hoirs de feu Daniel Duthoict dit André d'orient, le prez dudit Sieur Nicaty d'occident, plusieurs contors de prez de vent, et celuy dudit Sieur Anthoine Duthoict Lieutenant de bize; Item, Un autre morcel de Clos lieudit sus Crausaz, le Clos dudit Jaques Crausaz d'orient, le Clos dudit Baltazard Crausaz son fils d'occident, le chemin publicq de vent, et le Clos d'Anthoine Duthoict dit es Jaques de bize; Item, Deux poses de terre lieudit sus Chesauz, jouxte la terre de ------------- [name left blank] et des hoirs de feu ledit Sieur Thomas Duthoict d'orient, le Clos de Chesaux d'occident, la terre dudit Sieur Nicaty de vent, et plusieurs contors de terre de bize; Item, Deux poses et finalement Deux poses de terre lieudit en la fin sus les hayes, jouxte la terre dudit Sieur Nicaty d'orient et occident, celle dudit Jaques Crausaz de bize, et celle desdis hoirs dedit Daniel Duthoict dit André de vent: Avec leurs fonds, fruicts, droicts et appartenances quelconques, de la permission de Noble & Vertueux David de Treytorrens vidonne de Moudon et Seigneur Chatellain dudit Chavanes, les susdits pieces ont esté levées de gages audit Anthoine Duthoict lar Lettre a luy nottifiée le susdit jour 15 Mars, Comme s'est apparu par le relation de l'Officier dudit Chavanes faite entre les mains du Curial dudit lieu; Suivamment, le Septieme May an que dessus, ledit Sieur Recepveur n'estant on n'en satisfait, par le permission predit lesdites pieces ont esté exposées vendables sur la place accoustumée vendre les gages audit Chavanes pour ladite somme, interests & missions legittimes, et ne s'estant trouvé aucun miseur esheuttes audit Sieur, instant au nom susdit en presence de tesmoins, le tout en conformité de la Reformation Souveraine emanée en l'an 1644, Comme l'Officier executant a fait rapport audit Curial, laquelle Vendition a esté dudit jour nottiffiée audit debiteur, et aussi en mesme temps Lettre affigée au pillier publicq dudit lieu, portant que tous pretendans avoir Droict sur lesdits pieces, ensseront a former leurs oppositions durant le cours des presents subhastations, ce qu'a aussi esté relaté comme dessus, et à ces causes, ledit Sieur Portaz ayant par decembre (?) de droict fait citter, le predit Anthoine Dutoict, pour deffaut (?) de prompt payement tant dudit interestz que despendz legittimes en resultant, Vour estre procedé a la reversion & mise en possession desdits hypotheques, ladit cittation a esté relattée comme dessus; Suivant laquelle, le onzieme Juin an premis 1680, pardevant le prenomé Noble & Vertueux Seigneur Chastellain dudit Chavanes, lequel tenant cour a l'ordinaire audit Moudon dans le Maison Seigneurialle des Nobles hoirs de feu le Noble & Puissant Seigneur dudit Chavanes, lequel avec les Seiurs Jurés dedit cour, personnellement est comparu le prenommé Sieur Portaz au nom et en quallité que dessus, laquel ayant fait production des sus narrée suites, et requi ladite honnorable Justice les luy vouloir corroborer et Esmologuer, D'autant qu'il n'a en rien satisfait n'y aucune opposition survenu sus icelles, et sur cela lesdites pieces ayant derechef esté publiées vendables comme cy devant; et ne s'estant trouvé nul miseur, n'ayant ledit Duthoict comparu ny fait satisfaction de ce que dessus, lesdits Sieurs Jurés par leur jugement & cognoissance ont coroboré & esmologué lesdits subhastations en conformitéde ladite reformation souveraine de predite année 1644, Veu qu'il n'y a heu aucune opposition; Et puisque ayant trouvé lesdites suittes fastes selon icelles, avec leurs fonds fruicts Droicts & appartenances quelconques, soubz les devestitures & investitures en tel tait requises & nescessaires, et reserve des censes d'icestes & autres droicts seigneuriaux qui se trouveront doresenavant pourtant (?) deubz, supportables par le possesseurs d'icelles comme aussy le droit d'autruy icy reservé. Donné Judiciallement soubz les sceaug de la Chastellanie dudit Chavanes & Signature du Curial dudit lieu le predit jour Onzieme Juin 1681.

Jaques Crausaz, notary at Moudon, 18 feb 1687.

Subhastations pour Monsieur le Ministre & professeur Polier de Lausanne, contre le Sieur Anthoyne Dutoict dit aux Clercq justicier dudit Chavanes.

Soit notoire a tous ceux auxquels il appartiendra, que le dixhuictieme jour du mois de febvrier an courant mille six cents huictante sept, par devant l'honnorable Justice de Chavanes assemblée a l'ordinaire audit lieu sous la presidence d'Egrege et provide Gabriel Bize Seigneur Vidomme de Moudon & Chatellain dudit Chavanes, et comparu Egrege Philippe Tacheron notaire de Molondens, agissant au nom & comme recepveur de Noble, Venerable, Docte & Scavant George Polier, Seigneur Ministre & professeur en Theologie a Lausanne, Seigneur de Vernand & Conseigneur d'Estuy, muni (?) de procure, scellé et souscripte par ledit Noble Seigneur le 13 Apvril 1686. Lequel auroit exposé d'avoir suivi formelles subhastations par les voyes de droict requires, Au contre du Sieur Anthoyne Dutoict dit aux Clercq Juré de ce lieu, sur les bastiments & pieces cy bas specifiés pour deffaut de payement de deux interests retardés, le dernier escheu a St. Martin proche passé 1686, a teneur d'une Lettre de Rente du Cappital de cinq mille six cents florins datté du 5me decembre 1682, Signée Richard, dans laquelle lesdits bastiments et pieces sont speciallement hypothequés comme s'ensuit, qui sont, en premier un clos lieudit en Saccord pour faire un bon char de foine & demi char de record qui se limitte, le clos d'honnorable Anthoyne Dutoict Lieutenant dudit Chavanes d'orient, le clos de Monsieur le Ministre Nicati d'occident, bize et vent; Item, un autre clos lieudit en Chesaux pour faire autant de foin et record, comme au sus limité, le close des hoirs de feu honnorable Jaques Crausaz d'orient, la terre d'honnorable Baltazard [Crausaz] d'occident & vent, et le clos du Sieur Daniel François Chastellanat de bize; Item, un autre clos dit es Pomay pour faire un char tant foin que record, le clos dudit Sieur Ministre Nicati d'orient et occident, le clos des hoirs Crausaz de Vent, et le clos des hoirs de feu Daniel Dutoict de bize; Item, un autre clos en Lorgevaux pour faire deux chars defoin et lerecord, le clos d'honnorable Joseph Dutoict frere dudit Debiteur d'orient, le clos d'honnorable David Durussel d'occident, le clos dudit Baltazard Crausaz de vent, un ruisseau de bize; Item, un autre clos es Grand Marest pour faire un char de foin et le record, le clos desdits hoirs dudit feu Daniel Dutoict d'orient et bize, le clos d'honnorable Isaac Dutoict d'occident & vent; Item, un autre clos au Bas du Praz pour faire deux bons chars de foin et aussi le record, le clos dudit Sieur Ministre Nicati d'orient, celuy dudit Sieur Lieutenant Dutoict d'occident, la pie de Rueyre de bize, et le clos de Joseph Dutoict de vent; Item, un autre morcel de clos a la Baumaz pour faire demi char de foin, le clos desdits hoirs Crausaz d'orient, la lie des champs Lederray d'occident, la chariere publique de vent, l'osche soit chenevier d'honnorable François Chastellanat de bize; Item, un petit jordil sus Crausaz, le clos dudit Dutoict Lieutenant d'orient, le clos d'Abraham Dutoict de bize; Item, un morcel de prez en Chavagnaule Dessus pour faire un char & demi de foin que touche la pie de la battaille d'orient, le prez des hoirs de Pierre Duc d'occident, celuy dudit Joseph Dutoict de vent et celuy desdits hoirs de feu Jaques Crausaz de bize; Item, un autre morcel de prez en Chavagnaule Sessous, le prez desdits hoirs de feu Daniel Dutoict d'orient, celuy de David Dutoict d'occident, celuy de Monsieur Gaudard de bize, et celuy dudit Sieur Ministre Nicati de vent; Item, une seytorée de prez lieudit en l'Estang, jouxte la terre des hoirs de feu honnorable Jean Dutoict de Chesalles d'orient, la charriere publique d'occident, le prez dudit Joseph Dutoict de bize, et le prez du Noble Seigneur Vidonne moderne de Moudon de Vent; Item, un Chenevier en la Riaz de la semée d'un quarteron (?) et demi, jouxte le Chenevier dudit Sieur Lieutenant d'orient, celuy dudit Joseph Dutoict d'occident, celuy de Baltazard Crausaz de bize, et le prez des hoirs dudit feu Pierre Duc de vent; Item, une pose de terre en la Biolleretaz, la terre dudit Baltazard Crausaz d'orient et bize, celle d'honnorable Gabriel Veyre de vent; Item, une bonne pose de terre sus Chesaux, jouxte la terre dudit Lieutenant Dutoict d'orient, celle dudit Joseph Dutoict d'occident, celle du predit Sieur Ministre Nicaty de bize et vent; Item, environ une pose de terre et piece de terre es Pieces des Baz, jouxte la terre dudit Sieur Nicaty d'orient & vent, celle dudit Joseph Dutoict d'occident, celle desdits hoirs de Daniel Dutoict de bize; Item, une bonne pose sous les Hayes, la terre du predit Sieur Ministre Nicati d'orient, celle dudit Joseph Dutoict d'occident, celle desdits hoirs de Daniel Dutoict de vent, cdelle desdits hoirs Crausaz de bize; Item, deux autres bonnes poses en la Regollaz, jouxte la terre desdits hoirs Duc d'orient, celle dudit Joseph Dutoict d'occident, celle dudit Sieur Ministre Nicati de bize, et celle des hoirs de feu honnorable Jean Veyre de vent; Item, une autre bonne pose au Brulaz dit es Champs de la Croix, la terre d'honnorable Isaac Burnand d'orient, le bois commun de Montzendon d'occident et bize, & celle des hoirs de Daniel Dutoic de vent; Item, une demi-pose de terre es Crause de Plan, la terre dudit Sieur Ministre Nicati d'orient, celle de Gabriel Veyre d'occident & bize, le Rue publique de vent; Item, environ une pose et demi sus Crausaz, la terre dudit Joseph Dutoict frere dudit Debiteur d'orient & vent, celle dudit Sieur Ministre Nicati d'occident, et le clos des predits hoirs de Daniel Dutoict de bize; Item, environ une pose en Volotier, la terre dudit Joseph Dutoict d'orient, celle dudit Sieur Ministre Nicati d'occident et bize, et celle d'honnorable Baltazard Crausaz de vent; Item, environ trois quarts de pose en Riombouz, la terre dudit Joseph Dutoict d'orient, celle de Jaques Dutoict d'occident, celle dudit Lieutenant Dutoict de bize, et celle de Michel Veyre de vent; Item, demi pose en la Combettaz, la terre desdits hoirs Crausaz d'orient, celle dudit Daniel Dutoict d'occident, celle de Gabriel Veyre de bize, et celle dudit Lieutenant Dutoict de vent; Item, environ une pose & demi en la Grangersaz, la terre dudit Joseph Dutoict d'orient, la Rue publique d'occident & vent, plusieurs contors de terre de bize; Item, une bonne pose en la Miunaz des Carouz, la terre d'honnorable Abraham Dutoict l'aisné d'orient, celle de Jaques Veyre d'occident, la Rue publique de bize, et la terre desdits hoirs de Pierre Duc de vent; Item, une pose au Ferrajoux, la terre dudit Lieutenant Dutoict d'orient, celle dudit Gabriel Veyre d'occident, celle de Jacob Dutoict de bize, et la fin de la Biolleyre de vent; Item, en Carmagnaulaz, demi bonne pose , les prez de Chavagnaule d'orient, la Rue publique d'occident, la terre dudit Joseph Dutoict de bize, et celle desdits hoirs de Daniel Dutoict de vent; Item, environ une pose es Combes, la terre dudit Lieutenant Dutoict d'orient, celle desdits hoirs Crausaz d'occident et vent, plusieurs contors de terre de bize; Item, une pose en Bovarin, la terre desdits hoirs Crausaz d'orient et bize, celle dudit François Chastellanat d'occident, celle dudit Sieur Ministre Nicati de vent; Item, demi-pose dessus la Baumaz, la terre dudit Joseph Dutoict d'orient, celle desdits hoirs Crausaz d'occident, celle de Jacob Dutoict de bize, la Rue publique de vent; Item, une pose es Planches du Demard, le Marrest Commun d'orient, la terre de David Durussel d'occident, celle de Gaspard Dutoict de bize, et celle desdits hoirs de Pierre Duc de vent; Item, environ une pose & demi en l'Haut des Champs, la terre dudit Joseph Dutoict d'orient, celle dudit Sieur Nicati d'occident, celle dudit Jacob Dutoict de bize, et celle des hoirs de Jean Veyre de vent; Item, deux bonnes poses au Devin, la terre dudit Joseph Dutoict d'orient, celle des hoirs de feu honnorable Guillaume Frossard d'occident, celle d'honnorable Gabriel Veyre de bize, et la terre de Gaspard Dutoict de vent; Item, un clos en Champcuagni contenan environ trois seytorées, la terre desdits hoirs Crausaz d'orient, la fin de Rueyre d'occident, la Rue publique de bize, et le clos dudit Gabriel Veyre de vent; Item, un autre clos en Bevire, contenant une Seytorée, le clos de Gaspard Dutoict d'orient, celuy dudit Sieur Nicati d'occident, celuy desdits hoirs Crausaz de bize, et celuy des hoirs de feu Daniel Dutoict de vent; Et finalement, une Maison, Grange et deux Estables, le curtil et appartenances d'icelle, se limittant icelle Maison, jouxte la Grange des hoirs de Pierre Dutoit d'orient et bize, la charriere publique d'occident, la maison dudit Joseph Dutoict de vent, le tout sis et existant riere ledit Chavanes, et avec leurs fonds, fruicts, droits, entrées, sorties et appartenances quelconques, Et produisant ledit Sieur Instant sesdittes suittes & subhastations fastes comme s'ensuitz, premierement, le 23 novembre 1686, ledit Sieur Dutoict debiteur a accepté volontairement l'hostage pour luy estre signifié des susdits hypotheques sur les mains du Seigneur Chatellain dudit Chavanes comme s'est apparu par la relations et signé dudit Seigneur Chatellain, En outre, le 21 Janvier 1687, les susdites pieces ont esté publiées vendables au lieu accoustumé, pour la susdite somme, interests & missions legittimes, et par faute de miseur escheuttes audit Sieur instant, en presence de tesmoings, jouxte les Loix Souveraines et la Reformation de 1644. Et en mesme temps, a esté affigé des Lettres au pillier publicq dudit Chavanes, portans nottiffication a tous pretendans avoir droits et actions sur icelles, qu'ils eussent former leurs oppositions pendant le cours desdites Subhastations, comme s'est veu par les relations et exploits de l'Officier Jacob Dutoict, Et laquelle vendition et autres exploits, comme dessus faits ont esté nottiffié audit Sieur Dutoict le susdits jour par Lettres affigés et porté par ledit Officier selon la relation au pied desdites lettres, sous protestes de pouvoir agir sur d'autres de ses biens a deffaut que lesdites pieces ne se trouvaient bastantes, Avec offre de luy deduire tous legittimes payements s'il s'en trouve avoir esté faits, Jouxte la teneur desdites Lettres. Suivamment, le deuxieme Febvrier année que devant 1687, ledit Sieur Debiteur auroit promis comparoir judiciallement a ce jourd'huy pour se voir devestir des predits biens comme aussi de respondre et faire conte avec tous ceux que se voudroyent opposer sur dittes Subhastations et Esmologations d'icelles, comme s'est conté par un souscript de sa main, En vertu de quoy, ledit Sieur Charge ayant a demandé la Coroboration et Esmologation de sesdittes Subhastations, et requis que ledit Sieur Dutoict soit appellé pour & a manque de prompte satisfaction entendre dite Coroboration & se voir devestir des presdits biens. Lesquelles Subhastations ayant esté par les Sieurs Jurés de pres examinées, les auroyent trouvées et recogneues bien et formellement suivies et sur cela lesdites pieces auroyent derechef esté publiées vendables selon l'ordre et comme a desja esté fait cy devant, Ne s'estant trouvé aucun Miseur ny Opposants, et ledit Dutoict ne comparoissant quoy qu'appellé, par vigueur de quoy lesdits Sieurs Jurés par leur concordable cognoissance, ont coroboré & esmologué les susdites Subhastations conformement aux Loix et de ladite Reformation Souveraine de l'an 1644. Sous les divestitures & investitures requises & necessaires, par reserve du droit d'autruy, comme aussi des droits Seigneuriaux investir supportables envers qui appartiendra, ainsi fait & passé judiciallement audit Chavanes, sous toutes autres clausules requises, avec le Sceaug dudit Seigneur Chatellain & signature du Curial dudit Chavanes soubsigné, le predit jour 18me febvrier 1687.

Jean Louis Richard, notary at Lausanne:

Lettre de Rente pour Monsieur le professeur Pollier, Contre honnorable Anthoyne Dutoict le Jeusne dict au Cler Juré de Chavanes proche Mouldon.

L'an mille six cents huictante deux et le Cinquiesme Jour du mois de decembre, Comme ainsi soit qu'honnorable Anthoyne Dutoict le Jeusne dict au Cler Juré de Chavanes proche Mouldon fust chargé de debts, & servi en ses biens par ses Crediteurs, auroit requis & supplié Noble, Venerable, Docte & Sçavant George Pollier Seigneur de Vernand & Seigneur professeur et Ministre en l'Accademie de Lausanne, lui vouloir tendre Aide, En luy Esvitant les frais & despends que luy pourroyent survenir, par moyen des prests et desgravances que ledit Noble Seigneur luy pourroit faire, si tel estoit son bon vouloir, A quoy ledit Noble Seigneur Pollier porté de bonne volonté & de Charité, envers ledit Dutoict, auroit acquisé, moyennant qu'Iceluy Dutoict Apportaye (?) Acte de la Noble Justice dudit Chavanes de la necessité qu'il a de faire l'emprumpt qu'il desire faire, et qu'il luy baile de bonnes & suffisantes hypothecques a forme des loix souveraines, pour a quoy satisfaire ledit Dutoict s'est personnellement constitué & estably, lequel bien advisé sans contraincte ...(?), ainsi de sa pure volonté pour luy et les siens à l'advenir quelconques, et en suitte de l'Acte qu'il a obtenu de la Noble Justice de Chavanes ey bas de mot en mot tenorisé, de la necessité qu'il a de faire ledit emprumpt, A Confessé & recogneu de legittimement debvoir, & esté tous payé par Cestes Au devant nommé Noble, Venerable, Docte & Sçavant George Pollier present & Acceptant pour luy et les siens à l'advenir quelconques, Assavoir la somme Cappitalle de Cinq Mille et Six Cents florins pps. [petits-poids], monnoye Icy courrante, provenante ladite somme tant pour cause de Juste et loyal prest audit Dutoict faict en argent Content, que pour desgravances par ledit Noble Seigneur Pollier Crediteur pour ledit Dutoict debiteur faictes aupres des cy apres nommés, Et premierement, envers Spectable & Sçavant Isaac Nicaty Seigneur Ministre a Combremont le Grand, auquel ledit DuToict devoit en deux Lettres de Rente la somme de Six Cents et Septante florins, signées l'une Egrege Demont, & l'autre Egrege Pillet dattées l'une du dernier de decembre Mille Six Cents septante quattre, l'autre du vingtseptiesme d'Aoust Mille Six Cents septantesept; Item, envers le Seigneur Jean Michel Ramel de Lausanne auquel ledit Dutoict debiteur deboit, A teneur d'une Lettre de Rente, la somme de deux Cents & Cinquante deux florins pps. [petit-poids], Signé Egrege Curtat, datté le huictiesme de Juillet Mille Six Cents huictante un; Item, envers provide Jean Tavel de Payerne, auquel ledit DuToict debvoit la somme de Trois Cents florins pps. [petit-poids]; Item, envers le Sieur Gamaliel Nouveras de Lausanne, la somme de deux Cents florins pps. [petit-poids]; Item, envers Monsieur Portaz, Recepveur de Leurs Excellences au Chasteau de Lausanne, la somme de Cent et vingt un florins pps. [petit-poids]; Item, envers Egrege Pierre Gonin, Citoyen et Sieur Recepveur audit Lausanne, la somme de soixante florins pps. [petit-poids]; Item, envers l'honnoré Seigneur de Vidomne de Mouldon, la somme de deux Cents huictante huicte florins Cinq sols pps. [petit-poids]; Item, envers Monsieur l'hospitallier Frossard dudit Mouldon, la somme de Sept Cents florins pps. [petit-poids]' Item, envers le Sieur Jean Dutoict dudit Mouldon la somme de Cent florins pps [petit-poids]; Item, au Chasteau dudit Lausanne la somme de huict Cents florins pps [petit-poids]; Item, vers luy mesme la somme de Sept Cents quarante cinq florins, en deux actes Obligatoires, signées Egrege Besson, dattées l'un du sixiesme May Mille Six Cents huictante un, & l'autre du dixseptiesme du mesme mois, & par ce moyen ledit Dutoict debiteur est acquicté de toutes les susdites sommes, par ledit Noble Seigneur ainsi a son nom payées, toutesfois les dattes desdites Actes obligatoires sont reduicts (?) pour priorité de droit tant seulement, & ledit Noble Seigneur Crediteur d'Icelles [marginal insertion: sommes] chargé, Laquelle predicte somme de Cinq Mille & Six Cents florins pps. [petit-poids], ledit Dutoict debiteur a promis par sa bonne foy, & soubs obligation de tous ses biens, & soubs la specialle hypothecque des pieces cy apres limittées, payer & reellement satisfaire audit Noble Seigneur professeur Pollier Crediteur ou aux siens, dans le terme porté pas les Ordonnances Souveraines, Avec l'Interest Annuel, payable & rendable audit Lausanne, en la Maison d'habitation dudit Noble Seigneur Crediteur, dont le premier commencera a se payer a la St. Martin proschaine de l'Année Mille Six Cents huictante trois, pour estre dheu des le St. Martin derniere, & ainsy s'arrifvant jusques a Rehemption dudit Cappital, & pour tant plus grand Assurance tant du payement de la devant nommée somme Cappitalle que Interests, ledit Dutoict a specialement hypothecqué les pieces suyvantes size & Existantes au terroir dudit Chavanes, ... [there follows essentially the same list of properties given in the document of 1687, already quoted above.]

Jaques Besson, notary at Lausanne, 06 aug 1687.

Lettre de Rente pour le Sieur Jehan Michel Ramel Citoyen de Lausanne, contre les Sieurs Thomas et Anthoine Dutoict pere et fils de Moudon.

L'an mille six cent huictante sept et le sixiesme d'Aoust par devant le Notaire soubsigné et en presence des Tesmoins sousnommés, se sont personellement constitués les Sieurs Thomas et Anthoine Dutoict bourgeois de Moudon pere et fils, Iceluy Anthoine procedent de l'authorité de sondit pere, lesquels scachants et bien advisés pour Eux et les leurs quelconques, ont Confesé de debvoir au Sieur Jehan Michel Ramel Citoyen de Lausanne present et acceptant pour luy et les siens, Scavoir la somme de trois cent et huictante florins petit poids, tant en cancellation d'une obligation créée contre ledit Sieur Thomas Dutoict et honorée Esthiennaz Portaz sa femme, qui estoit créée par Egrege Giraudet le 24^e Apvril 1686 à la datte de laquelle n'est derogé que compte final d'estre (?) fait, laquelle somme Ils ont promis payer dans dix ans prochain, avec la cense legitime au bout de chasqu'année dont la 1^er se payera dès la St. Martin prochaine en un an et ainsi les autres sur chasque semblable an jusqu'à rehemption dudit Capital. Et pour seurté et asseurance du payement tant dudit Capital que Interests, lesdits Sieurs debiteurs ont specialement hypotecqué oultre la generalité de leurs biens, la prevaillance des hypotecques de la lettre de rente dheue à la Noble Seigneurie de Lausanne, et arrivant qu'ils fussent deffaillants auxdits payements auxdits temps (?) ou qu'ils fussent contrevenants aux reserves et conditions contenus es ordonannces souveraines concernans lettre de constitution de rente lors sera loisible audit Sieur Crediteur ou aux siens d'agir contre lesdits Sieurs debiteurs ou les leurs par imposition d'hotage ou autrement à forme des loix, conditionné que quand lesdits Sieurs debiteurs pourraient payer 50 ou 25 florins sur le Capital, les Interests prealablement payés, ledit Sieur crediteur sera tenu les retournir (? ink blot over beginning of this word) le cense (?). Fait soubs les autres clausules à ce requises en presence d'Esthienne Noveraz de Lustry et de Maitre Michel Daux (?) resident audit Lausanne, tesmoins.

Jean Etienne des Tallents, notary at Lausanne, 10 jul 1702 (ACV DG 259/4 pp. 203-219).

Prononciation d'entre Messieurs le Lieutenant Ramel et Grand Voyer Dutoit.

Sur les diverses dificultés survenues entre honorable et prudent Jean Michel Ramel citoyen de Lausanne et Lieutenant de Chesaux d'une part Et Egrege et prudent Antoine Dutoit Bourgeois de Moudon Grandvoyer demeurant à Cour d'autre part, dont la source et origine derive d'une Lettre de Rente par ledit Sieur Dutoit et son Pere créé en faveur dudit Sieur Ramel de la somme Capitale de 380 florins Signée Egrege Besson en datte du 6^e Aoust 1687, lesdites parties etans comparues plusieurs fois par devant la Noble Cour Ballivale dudit Lausanne, Et nottamment presente année ensuite des Lettres Souveraines par ledit Sieur Ramel obtenues, et adressées au Noble Magnifique Genereux et Tres Honnoré Seigneur Ballif de cette Ville en datte du 10^e decembre 1701 portant Commandement d'entendre reciproquement lesdites parties, voir et examiner leurs droits et papiers, et tacher de les accorder, sinon et à faute d'accord de les renvoyer par devant Leurs Excellences nos Souverains Seigneurs en Senat à Berne avec une Information Circonstantiée de L'estat de cette affaire; Et puis que ledit Sieur Dutoit avoit donné Cittation audit Sieur Ramel, que l'on devoit tenir Conte, et faire Consideration de la non-Comparaissance dudit Sieur Dutoit pour les frais et depends dudit voyage, Il est ainsi que les mescredy 10^e de May 1702, honnorable et prudent Sbastian Salomon Ramel, Justicier des Chapitre, et Egrege Jean Sbastian Ramel, freres, agissant au nom dudit Sieur Lieutenant Ramel leur Pere, et ledit Sieur Grandvoyer Dutoit en son propre, auroyent à l'exhortation dedit Noble Cour Ballivale donné les mains à ce que toutes leurs difficultés fussent terminées à L'absolue et sans aucun retour, par la voye de à chacun un arbitre, sous le Surarbitrage d'un Seigneur dudit Noble Corps, tant pour les faits Civils, que pour toutes les injures qu'il y a eu de prononcées, le tout sans prejudice de L'honneur des parties et par ordonnance dedit Noble Cour Ballivale du 17^e dudit mois de May, Noble et Vertueux Isaac Loys, Sieur de Bochat et Assesseur Ballival dudit Lausanne auroit en Consequence dedit reserve esté estably Sur Arbitre pour la decision desdites difficultés, A l'effect dequoy ledit Sieur Lieutenant Ramel auroit choisy et prié Vertueux et Prudent David Henry Olivier bourgeois dudit Lausanne pour son Arbitre, et ledit Sieur Dutoit pour le sien honnorable et prudent Jean Louis Milot Justicier dedite Ville, Lesquels avec ledit Seigneur Assesseur Loys Sur Arbitre se seroyent assemblés en la Maison de Ville audit Lausanne le 8^e et 10^e de Juillet 1702, ou lesdites parties ayans comparu, Elles auroyent par un prealable esté fortement exhortées à tacher de convenir amiablement par le moyen de quelques propositions qui leurs ont esté faittes, afin d'eviter des Longueurs, et d'entrer dans un detail de toutes leurs difficultés, qui Consistoyent en divers articles, mais n'y ayans pas esté reussy, Lesdits Seigneurs Sur Arbitre et Arbitres apres avoir fort et Long entendu les parties dans leurs raisons de bouche, et par escrit, et deprès vû et examiné leurs droits reciproques, ont procedé au jugement de chaque article comme s'ensuit, Premierement à l'esgard dedite Lettre de Rente de 380 florins, qui comme sus est dit est la Source et origine de toutes lesdites difficultés desdites parties, Estant apparu que ladite Somme Capitale à esté ajugée audit Sieur Ramel par arrest de Leurs Excellences du Supreme Consistoire de Berne en datte du 31^e de Mars 1698, Sinon que ledit Sieur Dutoit ne pust faire paroistre à contentement de droit n'avoir jamais consenti à cette Lettre de Rente, auquel cas il s'en pourroit prevalloir selon droit. Et n'ayant des lors ledit Sieur Dutoit pû faire voir qu'il n'y a pas consenti, n'ayant même presentement seu indiquer aucunes preuves pour cela, ledit Sieur Ramel a esté laissé au benefice de l'ajudication dedite Somme Capitale de 380 florins avec les Interets incourus des ledit arrest Souverain d'autant plus que ledit Sieur Dutoit ayant obtenu des Lettres Souveraines le 10^e Janvier 1699 pour luy tendre main dans cette affaire, ledit Sieur Ramel a desja esté laissé au benefice dedite Lettre de Rente pour ladite Somme Capitale par Sentence Ballivale du 26^e Avril 1699 qui est tombée en force, ainsy admis audit Sieur Ramel ledit Capital: 380 florins. Interets dès ledit Arrest Souverain du 31^e Mars 1698 jusques à present, et pour ce: 80 florins 9 sols. Pour ce qui est des trentes escu blancs de depends, audit Sieur Ramel ajugés par autre arrest de Leurs Excellences du Supreme Consistoire du 8^e Avril 1698, ledit Sieur Dutoit auroit prié d'estre renvoyé par devant le Venerable Consistoire de Glerolle pour verifier comme quoy ledit Sieur Ramel à commis usure envers les nommés Deigraz et Legeret, Mais veu que par ledit Arrest il est dit que ledit Sieur Dutoit ayant desja fait la même plainte, n'a pû la verifier, et que bien loin de cela, par l'audition desdits debiteurs, il ne s'est rien trouvé de semblable, pour quel defaut ledit Sieur Dutoit a esté condemné auxdits depends taxés à la susdite somme partant il a esté éconduit du renvoye par luy demandé, pour autant que ledit arrest est decisif, et sans aucune reserve, auquel cas on ne peut rien toucher, outre que ce seroit preuve contre preuve, ainsi admis audit Sieur Ramel ladite somme de: 225 florins. Et comme le Sieur Ramel a esté obligé de Suivre ledit Sieur Dutoit par gagement, et que pour defaut de payement de son juste deu il a obtenu acte dans la Justice de Chapitre, et ensuitte Capiatis, tant riere le Chasteau que riere la Ville, a esté admis audit Sieur Ramel seize florins dix sols six deniers à quoy se monte son argent debourcé par lesdites Suittes, ainsi: 16 florins 10 sols 6 deniers. Plus admis audit Sieur Ramel l'Interest desdites trente escu blancs, depuis l'obtention de l'acte Judicial de Chapitre en datte du 10^e Juin 1699, jusques à present qu'est trois années et un mois, et pour ce: 34 florins 8 sols 3 deniers. Quant aux quarante un florins neuf sols de depends suportés par ledit Sieur Ramel par devant la Noble Cour Ballivale de Lausanne et à luy ajugés par Sentence du 26^e Avril 1699, Ils ont pour bonnes considerations esté reduits à l'argent debourcé qui se monte vingt six florins trois sols, ainsi: 26 florins 3 sols. Plus admis audit Sieur Ramel son argent debourcé pour le gagement qu'il a esté obligé d'inster contre ledit Sieur Dutoit pour en estre payé, et des actes et Capiatis qu'il a obtenu, lequel argent debourcé et admis se monte quatorze florins un sol six denier: 14 florins 1 sol 6 deniers. Concernant les mauvais traitements faits audit Sieur Ramel par ledit Sieur Dutoit, et pour lequels ledit Sieur Ramel a conclud contre luy à 300 florins pour ses journées pertes et domages, à 500 florins pour ses souffrances, et 30 florins pour medelles au Chirurgien qui l'a traitté et medellé outre les depends, qui s'en sont ensuivy le tout à luy ajugé par Sentence obtenue en Contumace par devant la Justice dudit Lausanne le 3^e novembre 1699, puis ledit Sieur Dutoit s'est laissé contumaces et que par là il s'est reconnu coupable, il a par moderation dedite ajudication esté condamné en faveur dudit Sieur Ramel à la somme de cent et cinquante florins, pour sesdites souffrances, pertes, et domages, outre les trente florins payés au Chirurgien, et quinze florins un sol six deniers de depends survenus pour les Suittes et Instances faittes à ce sujet sauf à luy en cas qu'il pretende de n'estre pas comptable d'aucune chose à l'esgard desdites souffrances, pertes et domages, de se pouvoir faire relever par qui de droit, du deffaut qu'il a fait de n'avoir pas Comparu lors dedite Adjudication, et pour ce on luy a accordé terme, jusques à la Saint Michel prochain en payant lesdits depends et donnant Caution comme ledit Sieur Ramel devra faire de costé, puis que c'est une Cause de batterie et d'injures, pendant quel temps le payement dedite Somme de 150 florins est surçoyé aussi bien qu'à l'esgard des medelles, sinon il y est dores et desja condamné lesquelles trois sommes font celle de 195 florins 1 sol 6 deniers. Quant à l'ajudication obtenue par ledit Sieur Ramel, par devant la Justice de la Ville dudit Lausanne le 8^e Avril 1700 sur la Lettre d'injures que ledit Sieur Dutoit luy avoit envoyée, Messieurs les Sur Arbitre et Arbitres se seroyent reservés de Connoistre des injures en finissant la presente prononciation. Mais à l'esgard des depends ils ont trouvés que ledit Sieur Dutoit en est Contable pour s'estre encor laissé Contumacer, au lieu de Comparoir s'il pretendoit se defendre, De sorte qu'ils ont admis audit Sieur Ramel douze florins trois sols, pour le contenu de sa taxe missionnaire, ainsy: 12 florins 3 sols. Plus luy a encor esté admis pour une Relation et un extrait neuf sols: 9 sols. Pour ce qui est des depends d'un Capiatis obtenu ensuitte il en a esté éconduit puis qu'il le devoit faire inserer dans un autre obtenu le mesme jour pour eviter double frais. Plus admis audit Sieur Ramel trente florins six sols, pour les depends par luy supportés riere Lustry pour l'obtemption d'une sentence du 5^e (?) decembre 1700 puisque ledit Sieur Dutoit n'a non plus daigné Comparoir à la Cittation sur fait et matiere d'injures à luy donnée à l'instance dudit Sieur Ramel et qu'ainsi il s'en est rendu Comptable par sa Contumace: 30 florins 6 sols. Et pour le Bamp d'injure selon l'ordre: 5 florins. Concernant le voyage de Berne fait par ledit Sieur Ramel en dernier lieu sur la Cittation que ledit Sieur Dutoit luy avoit donné, et pour autres vacations dudit Sieur Ramel, jusques à present, et non-Comprises aux articles cy devant tirés et reiglés puis que ledit Sieur Dutoit n'a daigné comparoir, à ladite Cittation et que les Lettres Souveraines aportées par ledit Sieur Ramel en datte du 10^e de decembre 1701 portent de tenir Conte et faire consideration de la Comparoissance dudit Sieur Dutoit, pour les frais dudit voyage Messieurs lesdits Sur Arbitres et Arbitres, ont admis audit Sieur Ramel la somme de Cinquante florins pour sesdits depends et vocations, ainsy: 50 florins. Toutes lesquelles sommes admises audit Sieur Ramel se montent à la somme de mille septante un florins trois sols neuf deniers, dont ledit Sieur Dutoit luy devra faire payement, entre cy, et la Saint Michel prochain, Et ne pouvant en Cas qu'il luy donne de Suffizantes Seurtés alors à la connoissance de Messieurs les Sur Arbitre et Arbitres il devra estre suspendu pendant trois années en donnant lesdites seurtés, et l'obligeant à faire ledit payement avec l'Interest Legittime. Et enfin quant aux injures dont ledit Sieur Ramel, s'est plaint comme ledit Sieur Dutoit a effectivement prononcé plusieurs, et que même il luy a sans raison envoyé une Lettre fort choquante, et outrageuse et qu'aussi il en a injuré dans les raisons d'informations qu'il a produittes en Cour Ballivale dans la derniere procedure, Messieurs les Sur Arbitre et Arbitres, ont trouvée à propos de dechirer ladite Lettre, et de Suprimer lesdits raisons, soit d'y faire rayer toutes les injures afin qu'il n'en soit plus fait mention, Et ils ont representé audit Sieur Dutoit le tort qu'il a eu d'injurier ledit Sieur Ramel, et d'avoir si malusé envers luy, Et l'un et l'autre ont esté exhortés, à vivre desormais on bons Amys; au moyen dequoy toutes lesdites Injures, ont esté enlevées, et mises sous les pieds aussi bien que celles, que ledit Sieur Ramel a pû repartir, et prononcer contre ledit Sieur Dutoit, Le tout sans prejudice de leur honneur qui leur reste comme du passé, Et pour bonnes Considerations les depends de presente prononciation on esté compensés; Du toutage dequoy a esté accordé acte auxdittes parties, pour s'en servir, et en faire partir ou de besoin leur fera, En foy des presentes lesdits Seigneurs Sur Arbitres et Arbitres se sont signés au pied de la minute soit Registre des presentes, avec le Secretaire Ballival de Lausanne soussigné, les predits jours 8^e et 10^e de Juillet 1702.